Името витамин потекнува од латинскиот збор „vita“ (живот) и хемиското име „amin“ што значи дека витамините се од витално (есенцијално) значење за животот и здравјето на луѓето, тие не можат да се создадат во човечкото тело затоа мора да се земаат со храна или во форма на гранични производи или додатоци на храна.

Витамините се група на органски соединенија со различна хемиска структура и својства, кои му се потребни на човечкото тело во исклучително мали количини (милиграми или микрограми) и се неопходни за раст, развој, репродукција и разни метаболички процеси и функции. Витамините според растворливоста се делат на витамини растворливи во вода и витамини растворливи во масти.

Секој од витамините од групата Б има своја специфична улога, нивните функции се меѓусебно поврзани и комплементарни, и поради тоа најчесто се оправдува истовремената суплементацијата со сите витамини од Б-комплексот.

Витамините од групата Б имаат корисен ефект (поволно влијаат) врз функцијата на кожата и мукозните мембрани, нервниот, кардиоваскуларниот и имунолошкиот систем.